ruuh pe kya kya zarb lage hain jism ki khincha-tani men
ishq ka hasil dekh rahe hain ham donon hairani men
ek mira a.ina-ḳhana ek tumhare jism ki lau
ḳhauf-zada dil soch raha hai aag lage kab paani men
ham ko kya ma.alum tha us ne kya kya chhupa ke rakha tha
ham ne dupaTTa khinch liya tha shane se nadani men
paise de kar jism ḳharido lekin ye ehsas rahe
bhuuk nihan hoti hai aksar jismon ki uryani men
jigri yaar ke saath jo rakha tab mujh par ye raaz khula
ḳhubiyan kitni poshida hain mere dushman-e-jani men
honTon se is dard ki ḳhushbu aa kar jism men phail ga.i
kitna dard ikaTTha tha is ThanDi si peshani men
jald hi us ko nochne vaale mil kar jashn manaenge
taaza taaza phuul khila hai gadle gadle paani men
Leave a Reply