tumhari yaad ka ik daera banati huun
phir is men rahne ki koi jagah banati huun
vo apne gird uthata hai rose divaren
main us ki samt naya rasta banati huun
zamana badh ke vahi ped kaat deta hai
main jis ki shakh pe ik ghonsla banati huun
vo ghol jaata hai nafrat ki talkhiyan aa kar
main chahaton ka naya zaiqa banati huun
khayal-o-harf taghazzul men dhaal kar ‘bilqis’
main apne dard sabhi ghazliya banati huun
Leave a Reply