adam men kya ajab ra.ana.iyan hain
magar sab dahr ki parchha.iyan hain
bhali lagti nahin takrar itni
ba-zahir be-zarar sachcha.iyan hain
vo ḳhud sho.ale se ab daman bacha.e
bahut rusva miri tanha.iyan hain
main apne vaar kha kar aur biphrun
ghazab ki marka-ara.iyan hain
hai aalam ek jaisa har ḳhushi ka
alam ki an-ginat pahna.iyan hain
junun ke sar hai jo ilzam ‘shahin’
havas ki hashiya-ara.iyan hain
Leave a Reply