Khatir Ghaznavi
tujh se mil kar is qadar apnon se begane hue
ab to pahchane nahin jaate hain pahchane hue
but jinhen ham ne tarasha aur ḳhuda.i saunp di
aa ga.e hain samne patthar vahi taane hue
ḳhalq ki tohmat se chhuTe sang-e-tiflan se bache
ḳhuub the vo log jo ḳhud apne divane hue
is ko kya kahiye ki ham har haal men jalte rahe
duriyon men chand the qurbat men parvane hue
apni surat men bhi ‘ḳhatir’ ek guuna sehr tha
a.ina-ḳhanon men farzane bhi divane hue
Leave a Reply