Mahfilon Ko Guzar Pae Hum

mahfilon ko guzar paa.e ham

tab kahin ḳhalvaton pe chha.e ham

hain udasi ke kokh-ja.e ham

zindagi ko na raas aa.e ham

khaad paani bana diya ḳhud ko

silsile-var lahlaha.e ham

nasl taron ki zid laga baiThi

isti.are utaar laa.e ham

ruuh ke honTh sil ke hi maane

harkaton se na ba.az aa.e ham

farz ham par hai raushni ka safar

nuur ki chhuT ke hain jaa.e ham

pyaas ko pyaar karna tha keval

ek akhshar badal na paa.e ham

bas hamare hi saath rahti hai

kyuun udasi ko itna bhaa.e ham