Poet
aish sab khush aate hain jab talak javani hai
murda-dil vo hota hai jo ki shekh faani hai
jab talak rahe jiita chahiye hanse bole
aadmi ko chup rahna maut ki nishani hai
jo ki tera ashiq hai us ka ai gul-e-raana
rang-e-zafrani hai ashk-e-arghavani hai
aah ki nahin taqat taab nahin hai naale ki
hijr men tire zalim kya hi na-tavani hai
chaar din ki ishrat par dil laga na duniya se
kahte hain ki jannat men aish-e-javedani hai
gul-rukhan ka ab-o-rang dekhne se mere hai
husn ki gulistan ki mujh ko baghbani hai
dil se kyuun nahin chahun yaar ko ki ai ‘taban’
dil-ruba hai pyara hai jivda hai jaani hai
Leave a Reply