Poet
tujh ko kis munh se bevafa kahiye
koi puchhe sabab to kya kahiye
ham se kuchh vaqt par na ban aa.i
le ga.e dil vo muft kya kahiye
mujh ko samjha ke galiyan diije
fiqra fiqra juda juda kahiye
na main ashiq na aap ko kya huun
ghair se apna mudda.a kahiye
jaan deta huun kis ḳhushi se main
aaj to aap marhaba kahiye
aa.ina main dikha ke kahta huun
aap hi hain ki dusra kahiye
ab na kiije muue pe sau durre
ab na ashiq ko ba-vafa kahiye
Leave a Reply