Tujhko Kis Munh Se Bewafa Kahiye

tujh ko kis muñh se bevafā kahiye

koī pūchhe sabab to kyā kahiye

ham se kuchh vaqt par na ban aa.ī

le ga.e dil vo muft kyā kahiye

mujh ko samjhā ke gāliyāñ diije

fiqra fiqra judā judā kahiye

na maiñ āshiq na aap ko kyā huuñ

ġhair se apnā mudda.ā kahiye

jaan detā huuñ kis ḳhushī se maiñ

aaj to aap marhabā kahiye

aa.ina maiñ dikhā ke kahtā huuñ

aap hī haiñ ki dūsrā kahiye

ab na kiije muue pe sau durre

ab na āshiq ko bā-vafā kahiye

Leave a Comment