Khwaja Razi Haidar
aḳhir suḳhan tamam kiya is dua ke saath
rahna gulon ke beach mahakna hava ke saath
ik be-kanar hijr miri ruuh men muqim
ik be-panah ḳhauf miri iltija ke saath
ik be-yaqin raat miri raat ki sharik
ik be-dayar shaam dil-e-na-rasa ke saath
ik barg-e-ḳhushk shaḳh se girne ka muntazir
aur mera jism kaanp raha hai hava ke saath
sahra men khinchti hai mujhe ḳhvahish-e-qarar
sahra ko khinchta huun main zanjir-e-pa ke saath
ankhon men meri rang ke dariya utaar kar
chehre ko us ne pher liya kis ada ke saath
dil ki girah-kusha.i faqat shart hai ‘razi’
khul ja.ega vo jism to band-e-qaba ke saath
Leave a Reply