lutf baḌhta hai safar ka dost kam raftar se
main bhi ḳhush hota huun tere aarzi inkar se
aankh lagne ki zara si der thi bas aur phir
kaT gaya dariya-e-shab bhi ḳhvab ke patvar se
meri qurbat men mira ghar bhi fasurda ho gaya
ashk girne lag ga.e hain dida-e-divar se
ek massage nafraton par baar guzra hai miri
phuul bheja hai kisi laḌki ne sarhad paar se
us ki ankhen aap ki ankhon se achchhi thiin zara
baaqi saare aap behtar ho purane yaar se
Leave a Reply