Ashu Mishra
tujh ko andaze nahin raah ki dushvari ke
ham to qaa.il hain tiri qafila-salari ke
ye tire saath men rone se khula hai mujh par
hain tiri aankh men sab ashk adakari ke
bevafa.i bhi agar ki to bataya us ko
main ne adab nibha.e hain vafadari ke
jashn main ne bhi manaya tha shajar kaTne ka
us ne vo fa.ede ginva.e mujhe aari ke
dasht ka dasht jin ankhon pe luTa baiTha tha
ham bhi pichhe the usi ahu-e-tatari ke
ab mujhe yaad nahin pairahan-e-ishq-o-vafa
haan magar naqsh tire vasl ki gul-kari ke
Leave a Reply