Ghayas Anjum
tujhe main bhuul jaana chahta huun
yuun dil ko azmana chahta huun
na chheḌo aaj dard-o-gham ke qisse
main khul kar muskurana chahta huun
miri tahvil men jo bhi hai yaaro
tumhin pe sab luTana chahta huun
bahut bojhal se lagte hain manazir
main un se duur jaana chahta huun
ḳhayal-o-fikr ka dam ghuT raha hai
na.i duniya banana chahta huun
kisi ki yaad ki ḳhushbu ko ‘anjum’
main rag rag men basana chahta huun
Leave a Reply