Kaleem Aajiz
tujhe ‘kalim’ koi kaise ḳhush-kalam kahe
jo din ko raat bata.e sahar ko shaam kahe
piye baghair kaho to ye tishna-kam kahe
vo raz-e-mai jo surahi kahe na jaam kahe
na jaane ruuTh ke baiTha hai dil ka chain kahan
mile to us ko hamara koi salam kahe
kahun jo barhaman o shaiḳh se haqiqat-e-ishq
ḳhuda ḳhuda ye pukare vo raam raam kahe
main gham ki ragni be-vaqt bhi agar chheḌun
zaban-e-vaqt mujhe vaqt ka imaam kahe
Leave a Reply