Sufi
manzilen na bhulenge rah-rau bhatakne se
shauq ko taalluq hi kab hai paanv thakne se
zindagi ke rishte bhi duur duur tak nikle
ruuh jaag uthti hai phuul ke mahakne se
kitne tiir khaae hain kitne gham uthae hain
baaz hi nahin aata dil magar dhadakne se
ek saghar-e-labrez aur surat-e-suqrat
javedan nahin hote sirf zahr chakhne se
kar-e-ashiyan-bandi aur ho gaya mahbub
jauhar-e-talab chamka bijliyan kadakne se
garm ho ke pachhtae bad-e-tund ke jhonke
raushni charaghon ki badh gai bhadakne se
ai adib-e-pur-goi farz to nahin koi
kya bari hai khamoshi ol-fol bakne se
Leave a Reply