tum aziiz aur tumhara gham bhi aziiz
kis se kis ka gila kare koi
mane-e-arz mujh ko pas-e-vafa
un ko zid iltija kare koi
tum taghaful-shi.ar dil mayus
aah kya hausla kare koi
gham-e-dil ab kisi ke bas ka nahin
kya dava kya dua kare koi
kaun sunta hai gham-nasibon ki
kis ke dar par sada kare koi
ḳhair sun lo mira fasana-e-gham
ye to kah doge kya kare koi
saḳht mushkil hai sharh-e-dard-e-nihan
kis tarah ibtida kare koi
jis ko dekho vo hai vafa-dushman
kis se ahd-e-vafa kare koi
ḳhatm jaur-o-jafa hai marg-e-vafa
kaash phir ibtida kare koi
lutf-e-tazir jab ho jan-e-hayat
kyuun na ‘hadi’ ḳhata kare koi
Leave a Reply