tujh pe ham ik kitab likh baiThe
is ko kar-e-savab likh baiThe
doston ke suluk ko bhi ham
aaj koi azaab likh baiThe
us ko likhna tha kam-nazar lekin
haa.e ali-janab likh baiThe
ham ko likhni thi ik ghazal lekin
apne gham ka hisab likh baiThe
teri qamat ki baat jab aa.i
husn ka ik nisab likh baiThe
garche ḳhat ka hai intizar abhi
phir bhi ham hain javab likh baiThe
ḳhat men alqab us ko ai ‘ḳhushtar’
taaza rangin gulab likh baiThe
Leave a Reply