Tujh Pe Hum Ek Kitab Likh baiThe

tujh pe ham ik kitāb likh baiThe

is ko kār-e-savāb likh baiThe

dostoñ ke sulūk ko bhī ham

aaj koī azaab likh baiThe

us ko likhnā thā kam-nazar lekin

haa.e ālī-janāb likh baiThe

ham ko likhnī thī ik ġhazal lekin

apne ġham kā hisāb likh baiThe

terī qāmat kī baat jab aa.ī

husn kā ik nisāb likh baiThe

garche ḳhat kā hai intizār abhī

phir bhī ham haiñ javāb likh baiThe

ḳhat meñ alqāb us ko ai ‘ḳhushtar’

taaza rañgīñ gulāb likh baiThe

Leave a Comment