tu ne laga.i ab ki ye kya aag ai basant
jis se ki dil ki aag uThe jaag ai basant
kaifiyyat-e-bahar ke tu us ko de ḳhabar
mauj-e-nasim ki tarah uḌ laag ai basant
har shaḳh zard o surḳh o siyah hijr-e-yar men
Daste hain dil ko aan ke juun naag ai basant
munh dekho ashiqon ke muqabil huun rang men
bandhi hai mujh se kis liye tu laag ai basant
tujh men kahan ye buqalamuni kahan ye sang
dasht-o-jabal ko ḳhair se ab bhaag ai basant
juun tar-e-chang chheḌ na ‘insha’ ko baat men
tera suna hua hai ye ghaTrag ai basant
Leave a Reply