tu mila tha aur mere haal par roya bhi tha
mere siine men kabhi ik iztirab aisa bhi tha
jis tarah dil ashna tha shahr ke adab se
kuchh usi andaz se sha.ista-e-sahra bhi tha
zindagi tanha na thi ai ishq teri raah men
dhuup thi sahra tha aur ik mehrban saaya bhi tha
ishq ke sahra-nashinon se mulaqaten bhi thiin
husn ke shahr-e-nigaran men bahut charcha bhi tha
hijr ke shab-zinda-daron se shanasa.i bhi thi
vasl ki lazzat men gum logon se ik naata bhi tha
har fasurda aankh se manus thi apni nazar
dukh bhare sinon se ham-rishta mira siina bhi tha
thak bhi jaate the agar sahra-navardi se to kya
muttasil sahra ke ik vajd-afrin dariya bhi tha
Leave a Reply