Farooq Nazki
tohmat-e-sair-e-chaman ham pe lagi kya na hua
tab-e-azad men zanjir paḌi kya na hua
vo alam-dost the ham jin ki har ik mausam men
dekhte dekhte ḳhushiyon se Thani kya na hua
ḳhvab to ḳhvab rahe niind bhi aane se rahi
gard-e-bedari-e-shab munh pe mali kya na hua
sina-e-barg-e-gul-e-tar pe nazar thi apni
zindagi aag ke sanche men Dhali kya na hua
ham to kya chiiz the is shahr ke hangamon men
ahl-e-danish ki kahan pesh chali kya na hua
Leave a Reply