Hafeez Banarasi
hadis-e-talḳhi-e-ayyam se taklif hoti hai
sahar valon ko zikr-e-sham se taklif hoti hai
vahi kafir ki jis ka naam taskin-e-dil-o-jan tha
sitam hai ab usi ke naam se taklif hoti hai
maqam aisa bhi aata hai guzargah-e-mohabbat men
musafir ko jahan aram se taklif hoti hai
shikast-e-dil ki manzil se agar guzre to kya hoga
abhi tum ko shikast-e-jam se taklif hoti hai
‘hafiz’ ahl-e-gulistan se hamara haal mat kahna
unhen zikr-e-asir-e-dam se taklif hoti hai
Leave a Reply