Ye Sari dhul Meri Hai Ye Sab Ghubar Mera

ye saari dhuul miri hai ye sab ghubar mira

guzar hai tere ḳharabe se baar baar mira

ḳhizan to kya nahin jis ki bahar ko bhi ḳhabar

ik aise baagh ke andar hai barg-o-bar mira

hai dil ke naghma o naala se ab gurez mujhe

mila hua hai kisi aur lai se taar mira

main ḳhush huun nan-o-namak par to is ki daad na de

ki bhiik mangta phirta hai shahryar mira

tire ghurur ki ismat-dari pe nadim huun

tire lahu se bhi daman hai daghdar mira

Leave a Comment