toḌ kar tar-e-nigah ka silsila jaata raha
ḳhaak Daal ankhon men meri qafila jaata raha
kaun se din haath men aaya mire daman-e-yar
kab zamin-o-asman ka fasla jaata raha
ḳhar-e-sahra par kisi ne tohmat-e-duzdi na ki
paanv ka majnun ke kya kya aabla jaata raha
doston se is qadar sadme uTha.e jaan par
dil se dushman ki adavat ka gila jaata raha
jab uThaya paanv ‘atish’ misl-e-avaz-e-jaras
koson pichhe chhoḌ kar main qafila jaata raha
Leave a Reply