Shahram Sarmadi
to kya taḌap na thi ab ke mire pukare men
vagarna vo to chala aata tha ishare men
vo baat us ko batana bahut zaruri thi
vo baat kis liye kahta main isti.are men
mudam hijr-kade men vo yaad raushan hai
kahan hai ai dil-e-nakam tu ḳhasare men
mire alava sabhi log ab ye mante hain
ghalat nahin thi miri raa.e us ke baare men
faqir hai pa karamat kisi ne dekhi nahin
guzar-basar hi kiya karta hai guzare men
Leave a Reply