titli se dosti na gulabon ka shauq hai
meri tarah use bhi kitabon ka shauq hai
varna to niind se bhi nahin koi ḳhaas rabt
ankhon ko sirf aap ke ḳhvabon ka shauq hai
ham ashiq-e-ghazal hain to maghrur kyon na hon
aḳhir ye shauq bhi to navabon ka shauq hai
us shaḳhs ke fareb se vaqif hain ham magar
kuchh apni pyaas ko hi sarabon ka shauq hai
girne do ḳhud sambhalne do aise hi chalne do
ye to ‘charagh’ ḳhana-ḳharabon ka shauq hai
Leave a Reply