asrarul-haq-majaz

Aasman Tak Jo Nala Pahuncha Hai

asman tak jo naala pahuncha hai

dil ki gahraiyon se nikla hai

meri nazron men hashr bhi kya hai

main ne un ka jalal dekha hai

jalva-e-tur khvab-e-musa hai

kis ne dekha hai kis ko dekha hai

haae anjam is safine ka

nakhuda ne jise Duboya hai

aah kya dil men ab lahu bhi nahin

aaj ashkon ka rang phika hai

jab bhi ankhen milin un ankhon se

dil ne dil ka mizaj puchha hai

vo javani ki thi harif-e-tarab

aaj barbad-e-jam-o-sahba hai

kaun uth kar chala muqabil se

jis taraf dekhiye andhera hai

phir miri aankh ho gai namnak

phir kisi ne mizaj puchha hai

sach to ye hai ‘majaz’ ki duniya

husn aur ishq ke siva kya hai

More Poems

Leave a Comment