Tisri Barish Se Pahle

us roz mausam-e-khizan ki pahli barish hui

jab us ne mere dar se akhiri baar qadam nikala

us ne meri rasoi se ek nivala na liya

mere kuen se ek ghunt na piya

aur mere honton ka ek bosa na liya

balki pahle liye hue saare bose

thuuk diye

jab mausam-e-khizan ki dusri barish hui

to meri rasoi men ek saanp nikla

mere kuen men ek menDak paida hua

aur mere honton par pahli papdi jami

tab se ab tak saanp

rasoi men ghaat lagae hai

menDak kuen men dubka hai

aur jaane vaala

rozana mere dar par dastak deta hai

apne thuke hue bose

chatne ke liye

Leave a Comment