Saulat Zaidi
Tiis bhi Tiis na thi zaḳhm-e-jigar hone tak
phuul bhi phuul na tha ḳhuun men tar hone tak
vahi haqdar hai suraj ki kiran ka jis ne
raat ki zulf sanvari hai sahar hone tak
taare divane nahin hain ki jo thame hi rahen
daman-e-shab ko gareban-e-sahar hone tak
puchhiye ḳhizr se kya vo bhi rahenge zinda
apni baton ka hababon pe asar hone tak
ek aansu ki tarah tum mujhe ruḳhsat karna
rok lo palkon pe aghaz-e-safar hone tak
zindagani ki haqiqat ko na samjhe ‘saulat’
sha.iri karte rahe umr basar hone tak
Leave a Reply