Saleem Betab
chehre pe us ke ashk ki tahrir ban ga.i
vo aankh mere dard ki tafsir ban ga.i
main ne to yunhi raakh men pheri thiin ungliyan
dekha jo ghaur se tiri tasvir ban ga.i
har samt hain kaTi paḌi phulon ki gardanen
ab ke saba hi baagh men shamshir ban ga.i
us ki nazar to kahti thi parvaz ke liye
meri hi soch paanv ki zanjir ban ga.i
jis samt vo uThi hai udhar muḌ ga.i hayat
us ki nazar hi gardish-e-taqdir ban ga.i
Leave a Reply