Abdul Hamid Adam
khuli vo zulf to pahli hasin raat hui
uthi vo aankh to takhliq-e-kaenat hui
khuda ne gad.h to diya alam-e-vajud magar
sajavaton ki bina auraton ki zaat hui
gile bahut the magar jab nazar nazar se mili!
na mujh se baat hui aur na un se baat hui
dil-e-tabah ko kuchh aur kar gai zakhmi!
vo ik nigah jo labrez-e-iltifat hui
hayat o maut ki gharat-gari ka haal na puchh
jo maut na ban saki vo ‘adam’ hayat hui
Leave a Reply