kitne men banti hai mohr aisi
na-chiz ahmad-javed-‘ovaisi’
mere sukhan men hai ek shai si
avaz itni khamoshi aisi
kal ashiqon ka aate hi mazkur
kya kya na bahke allama-qaisi
is mantiqi par apni nazar hai
min-vaj.h aisi min-vaj.h vaisi
yaan ka na hona bhi vahm hi hai
butlan kis ka tahqiq kaisi
khulti nahin hai mujh par ye duniya
dil men nahin si ankhon men hai si
jitni masafat sar kar chuka huun
lagti hai vo bhi na-karda tai si
sukha pada hai dariya to kab ka
hai mauj-khezi vaisi ki vaisi
ab shahr saara gharqab jaano
ashkon men aai ye buund kaisi
saghar mila hai saghar sa mujh ko
us men bhari hai mai koi mai si
deta hai tark-e-duniya ki davat
‘javed’ ki to aisi-ki-taisi
Leave a Reply