Anjum Irfani
fasil-e-jism pe shab-ḳhun shararten teri
zara si bhi nahin badli hain adaten teri
ye zaḳhm zaḳhm badan aur lahu lahu ye ḳhvab
kitab-e-jism pe utri hain ayaten teri
hisar-e-atish-e-namrud men ghira huun main
ab itni sust qadam kyuun hain rahmaten teri
charag chand shafaq shaam phuul jhiil saba
chura.in sab ne hi kuchh kuchh shabahaten teri
ye mauj mauj lahu men tire badan ka nasha
talash karta hai har lamha qurbaten teri
ai rashk-e-sarv-o-sanobar-qadan ḳhiram-e-naz
ki raah dekh rahi hain qayamaten teri
miri havas ke samundar men madd-o-jazr nahin
p.e-zaval na hon chand-chahaten teri
ukhaḌne vaali thi jis dam tanab sanson ki
dar aa.iin ḳhema-e-dil men basharaten teri
ise sambhal, hua ja raha hai zer-o-zabar
ki dil pe laa.i hui sab hain afaten teri
ada hua na kabhi mujh se ek sajda-e-shukr
main kis zaban se karunga shikayaten teri
vo ankhon ankhon men raton ka kaTna tera
vo baton baton men ‘anjum’ ibadaten teri
Leave a Reply