ham se varafta ulfat hain bahut kam paida
haath se kho na hamen honge na phir ham paida
iltiyam is ka jo hai lutf-e-butan par mauquf
zakhm-e-dil ka mire hota nahin marham paida
bad na kah bad ko ki sanna-e-bad-o-nek hai ek
khar-o-gul hote hain ik shakh se baham paida
nahin abru tire rukhsar ke sajde ke liye
aks-e-angusht-e-shahadat ne kiya kham paida
main bhi huun bais-e-ijad ‘havas’ ik shai ka
meri khatir mire khaliq ne kiya gham paida
Leave a Reply