B S Jain Jauhar
kaifiyat-e-dil-e-hazin ham se nahin bayan hui
lafz na saath de sake ansuon se ayaan hui
shorish-e-vardat-e-qalb sheron men Dhaal Dhaal kar
likhte rahe tamam umr ḳhatm na dastan hui
ab na vo dil men dhaḌkanen ab na vo soz-o-saz hai
puchhte hain vafat-e-dil kaise hui kahan hui
meri zara si baat par jaane vo kyuun ḳhafa hui
koi na talḳh guftugu donon ke darmiyan hui
ghar to hazaron ban ga.e inTon ko joḌ joḌ kar
ghar ke makinon ki vafa zinat-e-ashiyan hui
surat thi vo ki barq si badliyon ki thi oT men
pardon se jhank jhank kar pardon men hi nihan hui
ek hi shaḳh par rahe baaḌh men saanp aur aadmi
kaisi ajiib dosti donon ke darmiyan hui
Leave a Reply