hamesha vahid-e-yakta bayan se guzra hai
ḳhuda ka zikr jab apni zaban se guzra hai
lakir khinch ke nur-e-guman se guzra hai
mujhe yaqin hai koi asman se guzra hai
chamakta rahta hai donon jahan ki manzil par
vo ek shaḳhs jo har imtihan se guzra hai
bas itna bol rahi charagar ki ḳhamoshi
bala ka dard dil-e-na-tavan se guzra hai
to kya hua jo ab ankhon men qaid hai sahra
tire firaq men dariya yahan se guzra hai
usi pe sabr hai mujh ko har ek daur yahan
bahar aane se pahle ḳhizan se guzra hai
ḳhamosh lahje men ‘az.har’ ko hashmi ne kaha
tira vajud bhi ik ḳhandan se guzra hai
Leave a Reply