Jawed Manzar
main ḳhushamad ke sa.eban men tha
ek na-ashna amaan men tha
vo havaon ke jaal bunta raha
aur main bhi kisi uḌaan men tha
lafz-o-ma.ani men kyon ulajhte ho
ye to socho vo kis ke dhyan men tha
tujh se bachhḌa magar yaqin na kiya
ye agarche mire guman men tha
ḳhauf-e-divar-o-dar men palta raha
main vo be-ghar tha jo makan men tha
ham-nashin gham-zada hue ‘manzar’
soz aisa tire bayan men tha
Leave a Reply