naqsh divar-e-shikasta hi kahin ho mujh men
dard ho yaad ho koi to makin ho mujh men
ik jazira huun tah-e-ḳhun-e-tamanna kab se
paanv rakhne ke liye kuchh to zamin ho mujh men
ḳhuun baaqi hai to phir zaḳhm se bahar aa.e
rang dikhla.e jo ik buund yaqin ho mujh men
main tire gham ki amanat ko sambhale rakkhun
saans koi to magar mera amiin ho mujh men
mujh sulagte hue jangal pe hai chaḌhti andhi
lauT jaa.e jo bhi ab gosha-nashin ho mujh men
Leave a Reply