Jamal Owaisi
har nafas ik na.i zanjir mujhe milti hai
jiina paḌta hai mujhe hiir mujhe milti hai
bhagta rahta huun parchha.iyon ki yurish se
har jagah apni hi tasvir mujhe milti hai
be-nava.i men mire dil ko sukun hai kitna
chain se jiine ki jagir mujhe milti hai
main ne dekha tha kabhi sayon ke Takrav ka ḳhvab
aaj us ḳhvab ki ta.abir mujhe milti hai
koi lauTata hai bheja hua tohfa mujh ko
pyaar ke badle men tahqir mujhe milti hai
Leave a Reply