ta na pade khalal kahin aap ke khvab-e-naz men
ham nahin chahte kami apni shab-e-daraz men
aur hi rang aaj hai ariz-e-gul-azar ka
khun-e-dil apna tha magar go na rukh-e-taraz men
kyunki na aadhi aadhi raat jaage vo jis ka dhyan ho
ahu-e-nim-khvab men nargis-e-nim-baz men
khusrav-e-aish-e-vasl-e-yar jan-kani aur kohkan
apna jigar to khuun hua ishq ke imtiyaz men
bin tire bazm-e-sur men hain ye qabahaten ki hai
naghma-e-sur ka asar naghma-e-nai-navaz men
un se ab iltifat ki ghair ko hain shikayaten
sun ke mira mubalagha minnat-e-ehtiraz men
kya sabhi siine jal chuke kya sabhi dil pighal chuke
bu-e-kabab ab nahin ah-e-jigar-gudaz men
parda-nashin ke ishq men parda-dari na ho kahin
hoti hain be-hijabiyan jan-e-nahufta-raz men
rakhna-e-dar se ghair paas dekha kise ki aaj hai
rakhna-gari kuchh aur hi nala-e-rakhna-saz men
yad-e-butan men laakh baar fart-e-qalaq se ham bhi to
baithe uthe hain ‘momin’ aap gir rahe shab namaz men