Poet
safar kaThin hai main rahon se ashna bhi nahin
tiri vafa ke siva koi aasra bhi nahin
ḳhuda se mangne baiTha huun is pari-vash ko
mire nasib ki taḳhti pe jo likha bhi nahin
main janta huun use jaane kitni muddat se
ye aur baat ki us shaḳhs se mila bhi nahin
uTha ke haath mohabbat ki bargahon men
main sochta huun ki ab koi mudda.a bhi nahin
qadam qadam tiri rahon pe jugnuon ke charagh
ravish ravish miri qismat men ik diya bhi nahin
hazar ḳhvab saja.e the apni raton men
khuli jo aankh to manzar koi raha bhi nahin
Leave a Reply