Tir Par Tir Lagao Tumhein Dar Kis Ka Hai

tiir par tiir lagao tumhen Dar kis ka hai

siina kis ka hai miri jaan jigar kis ka hai

ḳhauf-e-mizan-e-qayamat nahin mujh ko ai dost

tu agar hai mire palle men to Dar kis ka hai

koi aata hai adam se to koi jaata hai

saḳht donon men ḳhuda jaane safar kis ka hai

chhup raha hai qafas-e-tan men jo har tair-e-dil

aankh khole hue shahin-e-nazar kis ka hai

nam-e-shair na sahi sher ka mazmun ho ḳhuub

phal se matlab hamen kya kaam shajar kis ka hai

said karne se jo hai tair-e-dil ke munkir

ai kaman-dar tire tiir men par kis ka hai

meri hairat ka shab-e-vasl ye baais hai ‘amir’

sar ba-zanu huun ki zaanu pe ye sar kis ka hai

Leave a Comment