Umar Farhat
ulTi tasvir pahan kar nikle
apni taqdir pahan kar nikle
us ko dekha tha bahut ankhon ne
ḳhvab ta.abir pahan kar nikle
fasl-e-gul aa ga.i to paanv men
ham bhi zanjir pahan kar nikle
sher ham ne bhi bahut likh Daale
kaisi tash.hir pahan kar nikle
har taraf apni alam-dari hai
kaise ye tiir pahan kar nikle
saath dene ko bahattar ka ‘umar’
ham bhi shamshir pahan kar nikle
Leave a Reply