chha.i hai qayamat ki ghaTa dekhiye kya ho
barse to barasne ki ada dekhiye kya ho
khul khul ke sabhi phuul to masrur hain lekin
masmum hai gulshan ki faza dekhiye kya ho
phir josh men hain aaj mire madd-e-muqabil
hai meri vafa un ki jafa dekhiye kya ho
sar joḌ ke baiThe hain sabhi sulh ki ḳhatir
hain un ke ḳhayalat juda dekhiye kya ho
tufan havadis men jalane to chala huun
ik mehr-o-uḳhuvvat ka diya dekhiye kya hu
haq baat bhi arbab-e-adalat ko khali hai
iz.har-e-haqiqat ki saza dekhiye kya ho
sahra-e-tajassus men talash apni hai ‘kausar’
kuchh yaad nahin apna pata dekhiye kya ho
Leave a Reply