Shafiq Saleemi
Tik ke baiThe kahan bezar-tabi.at ham se
chhin hi le na koi aa ke ye ne.amat ham se
bar-sar-e-am ye kahte hain ki ham jhuTe hain
is bhare shahar men zinda hai sadaqat ham se
ham jo mazlum hain ik tarah se zalim hain ham
har sitamgar ke baazu men hai taqat ham se
dekh paa.e na to ankhen hi bujha liin ham ne
aur kya chahta hai lafz-e-sharafat ham se
har ghaḌi sar ko hatheli pe saja.e rakhna
garmi-e-raunaq-e-bazar halakat ham se
ya.ani qatil ke liye rahm ka jazba mafqud
is se baḌh kar nahin ho sakti adavat ham se
ham zamin-zad falak-zad nahin hain phir bhi
fan ki me.araj pe hai lafz ki hurmat ham se
Leave a Reply