Sahir Dehlavi
samad ko sarapa sanam dekhte hain
musamma ko asma men ham dekhte hain
tujhe kaif-e-masti men ham dekhte hain
salasa nazar ka adam dekhte hain
tira husn-e-ausaf ham dekhte hain
fana men baqa dam-ba-dam dekhte hain
jo hain ḳhali-o-pur se sar-mast-e-naghma
ham-ahangi-e-kaif-o-kam dekhte hain
nazar-gah teri hai a.ina-dil
tujhe hairati ho ke ham dekhte hain
fana hai fana muqtaza-e-mohabbat
taqaza-e-ulfat ko ham dekhte hain
ghubar-e-dil-o-dida jo paak kar de
ham us ashk-e-shabnam ko yam dekhte hain
uTha jab se pindar-e-hasti ka parda
tujhe nur-e-vahdat men ham dekhte hain
makin-e-makan la-makani hai ‘sahir’
ham andaz-e-dair-o-haram dekhte hain
Leave a Reply