adil-mansuri

Phir Kisi Khwab Ke Parde Se Pukara Jaun

phir kisi khvab ke parde se pukara jaun

phir kisi yaad ki talvar se maara jaun

phir koi vusat-e-afaq pe saaya Daale

phir kisi aankh ke nuqte men utara jaun

din ke hangamon men daman kahin maila ho jaae

raat ki nuqrai atish men nikhara jaun

khushk khoe hue gumnam jazire ki tarah

dard ke kaale samundar se ubhara jaun

apni khoi hui jannat ka talabgar banun

dast-e-yazdan se gunahgar sanvara jaun

More Poems

Leave a Comment