Poet
thi nazare ki ghaat ankhon men
kaT ga.i saari raat ankhon men
dekho un ankhon ki suḳhan-goi
hai shararat ki baat ankhon men
talḳh baten hain miThi nazren hain
zahar munh men banat ankhon men
rona qismat men hai marun kyunkar
hai ye ab-e-hayat ankhon men
vo jo dekhe jiyun na dekhe marun
hai hayat-o-mamat ankhon men
dekhiye chashm-e-afv-e-rahmat se
‘mehr’ ki hai najat ankhon men
Leave a Reply