Poet
ghar men kaisa shafaqistan ka saman tha pahle
mauj-e-sad-rang men be-ḳhvab jahan tha pahle
kis khanDar men hamen mahbus hava le aa.i
shab ke siine men bhi mahfuz makan tha pahle
badban kashtiyan phir mauj-e-hava ki raunaq
kaun kis haal men aur kaun kahan tha pahle
zina-e-sham pe rakkha hai charagh-e-ḳhasta
jis ki rag rag men ravan zard dhuan tha pahle
ab taraf ta-ba-taraf chha.i hai bas gum-shudagi
isti.ara hai alamat hai ayaan tha pahle
Leave a Reply