dil gham se tire laga gae ham
kis aag se ghar jala gae ham
matam-kada-e-jahan men chuun shama
ro ro ke jigar baha gae ham
manind-e-habab is jahan men
kya aae the aur kya gae ham
khoya gaya is men go dil apna
par yaar tujhe to pa gae ham
aata hai yahi to ham ko rona
yuun maut ka gham bhula gae ham
afsana-e-sarguzisht chuun shama
ro ro ke bahut suna gae ham
tha ham men aur us men vo jo parda
so us ko ‘hasan’ utha gae ham
Leave a Reply