lab par jo mire ah-e-gham-alud nahin hai
izhar-e-mohabbat mujhe maqsud nahin hai
ham jaise faqiron ko to yuun bhi na kahe vo
phir aaiyo kuchh is ghadi maujud nahin hai
kahta huun main ye gabr o musalman ke munh par
vo abd nahin jis ka tu maabud nahin hai
narmae hai kis tarah se is ahan-e-dil ko
ye aah agar naghma-e-daud yahin hai
phirte hain kai qais se hairan o pareshan
is ishq ki sarkar men bahbud nahin hai
tasir madad kijiyo ab siine men apne
is naale se ik aah bhi afzud nahin hai
khubi-e-ayaz aaphi nazar aa gai hoti
afsos tire ahd men mahmud nahin hai
is atish-e-furqat ke siva dahr men ‘joshish’
dekha to kahin atish-e-be-dud nahin hai
Leave a Reply