Hawa Ka Kibr Yahan KHak Mein Mila Kar Ke

havā kā kibr yahāñ ḳhaak meñ milā kar ke

charāġh-e-ishq jalā hai lahū jalā kar ke

kiyā hai ḳhatm tafakkur kā silsila maiñ ne

har ek naqsh tirī yaad ke miTā kar ke

ye kis ke bojh ne behāl kar diyā mujh ko

shagufta phuul mirī qabr par chaḌhā kar ke

tire ġhamoñ kī harārat se tar-ba-tar ho kar

sharāb pī rahā huuñ talḳhiyāñ milā kar ke

khaḌā hai sāmne mere ḳhulūs kā paikar

maiñ ḳhush bahut huuñ use zindagī meñ pā kar ke

Leave a Comment