phir vahi qatl-e-mohabbat-zadagan hai ki jo tha
rasan-o-dar ka aalam men saman hai ki jo tha
un ke hathon men vahi tegh-e-sitam hai ki jo thi
dahr matam-kada-e-be-gunahan hai ki jo tha
chashm-e-pur-ḳhun-e-vafa lala-nishan hai ki jo thi
qismat-e-bul-havasan aish-e-jahan hai ki jo tha
hairat-e-ahl-e-nazar ahl-e-hunar hai ki jo thi
shohra-e-kam-nazran be-hunran hai ki jo tha
rasm-e-ara.ish-e-aivan-e-tarab hai ki jo thi
sar-e-farhad ye vo koh-e-giran hai ki jo tha
ye shajar hain ki saliben si gaḌi hain har su
manzil-e-ishq vahi sang-e-nishan hai ki jo tha
daftar-e-lala-o-gul hai na vo divan-e-bahar
zinat-e-lauh-e-chaman harf-e-ḳhizan hai ki jo tha
zer-e-har-shaḳh shab-o-roz qafas Dhalte hain
alam-e-nauha-garan basta-paran hai ki jo tha
daulat-e-ahl-e-talab ḳhar-e-sitam hain ki jo the
chaar su ghalghala-e-gul-badanan hai ki jo tha
saya-e-murgh-e-parida hai ki ye abr-e-bahar
gila-e-marhamat-e-ah-e-tapan hai ki jo tha
hai vahi aaj bhi rang-o-ravish-e-rud-e-farat
har nafas matami-e-tishna-laban hai ki jo tha
aaj bhi arz-e-vafa un pe giran hai ki jo thi
aaj bhi hausla-e-sharh-o-bayan hai ki jo tha
na vafaon pe nazar hai na jafaon ka malal
dil men vo dard vo ehsas kahan hai ki jo tha
saulat-o-satvat-e-arbab-e-hamam miT ke rahi
luT ke bhi husn-e-butan husn-e-butan hai ki jo tha
hai tiri yaad nashat-e-shab-e-hijran ki jo thi
haan tira dard qarar-e-dil-o-jan hai ki jo tha
jalva-e-yar se mahrum hai gham-ḳhana-e-dil
ye vahi tira-o-tarik makan hai ki jo tha
vaqt ke saath badalta nahin jafar-‘tahir’
ye vahi soḳhta-dil soḳhta-jan hai ki jo tha
Leave a Reply